البعثة 80: المحكمة الدستورية | المريخ: التعاون الإفريقي

البعثة 80: المحكمة الدستورية | المريخ: التعاون الإفريقي

البعثة 80: المحكمة الدستورية

كيما عودناكم.ن كل عام، لازم يكون فما لجنة عندها طابع تونسي أصلي تكريما لمؤسساتنا السياسية وخاصة لي جات بعد الثورة. والسنة اخترنالكم.ن لجنة المحكمة الدستورية، وتحديدا البعثة 80

في رحلتنا إلى مالعد الديبلوماسية حبينا نكلفوكم.ن أعزاءنا وعزيزاتنا القضاة والقاضيات بأكثر المهمات جدلا منذ 25 جويلية الفايت. وفي المقال هذا بش نحكيو على ماهية الفصل 80 من دستور 2014 وآثاره القانونية على واقعنا

الفصل 80 هو مادة من دستور 2014 لي يتميز بكونه مكسب من مكاسب ثورة 17 ديسمبر 2010. هو وثيقة تكتبت بدم الشهداء وعرق المناضلين. الفكرة العامة للفصل هي إنّه رئيس الجمهورية ينجم في حالة خطر داهم يهدد الوطن واستقراره وكيانو ياخو تدابير استثنائية بعد استشارة رئيس الحكومة لي يشاركه في السلطة التنفيذية، رئيس مجلس النواب لي يمثل السلطة التشريعية وأكيد رئيس المحكمة الدستورية لي هي سلطة قضائية عليا

شمعناها؟

معناها الرؤساء لي ذكرناهم عندهم دور استشاري في تنفيذ هذا الفصل، خاصة وإنّه الفصل 80 فيه برشا عبارات قابلة لتأويلات مختلفة. ونعرفو لي المهمة هاذي تعود للمحكمة الدستورية

شنية يقصد المشرع بـ”الخطر الداهم” ، وبـ”السير العادي لدواليب الدولة”؟وإلى أي مدى تنجم توصل التدابير الاستثنائية لي في الفصل؟ الأسئلة هاذي وأكثر بش تجاوبو عليها حضرات القضاة و القاضيات في البعثة 80

Comments

No comments yet. Why don’t you start the discussion?

Leave a Reply

Your email address will not be published. Required fields are marked *